Camerún

O proxecto que desenvolvemos dende o ano 2005 consiste na mellora das condicións de vida de menores discapacitados na zona de Bamenda, ó noroeste de Camerún. Nestes momentos dispoñemos dunha casa de acollida temporal na que conviven 35 menores con algún tipo de discapacidade física e ás que se lles proporciona educación e asistencia sanitaria, esta última na medida en que se dispón de medios.

Durante o período de vacacións tratamos de que os/as menores con minusvalías non-severas retornen ás súas casas e sexan atendidas polas súas familias como forma de integración dos/as mesmos/as na sociedade. A filosofía da casa de acollida non é recoller a todas aquelesas/ menores ós que ninguén quere, senón que sexa un centro de educación para a poboación da zona no que aprendan que unha discapacidade, xa sexa física ou psíquica, non debe supoñer para quen a sofre a súa exclusión total. Un dos principais obxectivos de Cero negativo para o futuro é a educación no seo das familias, co fin de que estas se fagan cargo daqueles/as menores con discapacidades leves, reservando deste modo a casa de acollida para aqueles casos máis graves e que necesitan unha atención especial da que non dispoñen as propias familias.

Niste senso, establecéronse vínculos coas autoridades políticas e representantes sociales da zona, en orde a obter a súa colaboración no desenvolvemento do proxecto de CEFED en Santa.

Tamén téñense efectuado visitas a varios centros médicos como o Hospital Baptista de Bamenda (Mbingo Baptist Hospital), Hospital St. Joseph de Sayocah dirixido por Hermanas Franciscanas, o Hospital St. Mary dirixido por Siervas de María españolas  e unha reunión co  doutor David Nchande, director da clínica Centro Ortopédico en Douala, en orden todas elas a establecer vínculos de colaboración mutua.

Os próximos retos de Cero negativo serán, por un lado a mellora das condicións dos/as menores usuarios/as da casa de Santa e por outro o establecemento de convenios cos mencionados centros médicos.

▪ Mais información